હીરાની ખોજમાં નીકળી શોધી મોતીને લાવું છું
January 25, 2023
ન લેવાના હતા તે બધાય રસ્તા ગોતીને લાવું છું
કાબરચીતરું ને તોય બેરંગ, સમજાશે નહિ તમને
અનુભવના તાંતણા બધા જીવનના જોતીને લાવું છું
દોસ્તીમાં લેણ દેણ નો નિયમ, ન થોડું કશું ન ઘણું
January 23, 2023
ચોપડી રાખે સંબંધોની, તેને ભલા દોસ્ત ક્યાંથી ગણું
જિંદગી ઉજાળવાની કિંમત બોલ ક્યાંથી લગાવશું
ધરતી કયા મોઢે સૂરજને કહે ચલ હિસાબ ચૂકતે કરું
બે વૃક્ષોના ઘર્ષણથી લાગેલી આગ સોચે મારાથી જ મુજને છે ઘાવ
January 3, 2023
ઈંધણ થઇ રાખ થવા રાજી ભલે બંને, પણ દિલમાં રહી જાશે અકળાવ
આગ પણ બિચારી, શોધે ટાઢક એ ત્રણેયની…
લાકડી સળગશે, પાણી બુઝાડી દે ને આગ દેશે બધુંય સળગાવ
ખાલીપા વિના વિશાળતા ક્યાંથી જડે
December 9, 2022
આભ થોડી ભરાય, વાદળાં વરસી પડે
મારા બધાય અરમાનોનો અંજામ કરુણ નીકળ્યો
December 6, 2022
કર્યો હિસાબ તો સંબંધોનો સરવાળો ઋણ નીકળ્યો
પાણી થઈ પાંદડાના મોહમાં પડતી ઝાકળ,
July 28, 2022
પાન પર છતાં, પાનમાં ન ભળતી ઝાકળ,
શોભે છતાંય ધીરે ધીરે લસરતી ઝાકળ,
જે માટીની હતી, એ માટીની થતી ઝાકળ.
ખાલી હતું જે છે છલોછલ હવે ગમગીનીમાં
Jul 9, 2022
જગ્યા નથી કહી દો, કોઈ બીજા ના આવે,
યાદો ને પણ કહી દો વિના વિઝા ના આવે.
ખખડાવી છે ઘણી, છતાં આવે, ને ભાગી જાય,
Jul 9, 2022
યાદો, છોકરમતમાં વગાડાતી પેલી ઘંટડી ની જેમ.
હંમેશા ભાગતા ને ફરતા એ વાદળને, કોઈ પૂછો તો દાવ કોણ લે છે?
Aug 18, 2021
દુઃખમાં ડૂબી ને બસ વરસી જવાનું, આ સૂરજનો તાપ કેમ સહે છે?
લાગણીઓ લાગ જોઈ લાગે ખરી કે?
Apr 7, 2021
વાદળને વાદળીઓ કદી વાગે ખરી કે?
મંડુક હું કૂપનો ને બોલવું હંસલાને,
સપનાની બૂમથી કોઈ જાગે ખરી કે?
પરિણામ સિવાયેય ઘણાં પરિમાણ હોય છે,
Feb 8, 2021
મંઝિલને જ નહિ, રસ્તાનેય અભિમાન હોય છે.
વાદળ કે પછી?
પરિસ્થિતિઓથી હડસેલાતો આવ્યો છું જિંદગીભર,
Jan 22, 2021
થાકી ને તૂટી પડું, વરસી પડું, કંઈ મારો વાંક છે?
જેટલું રોક્યું છે મેં જીવન તુજમાં, તેટલું જ પાછું માંગું છું,
Jan 20, 2021
લાગે છે કે શૂન્યાવકાશમાં સાદ પાડી પડઘાની ઉમ્મીદ રાખું છું.
હવે ભીંતો ય કરતી નથી વાતો મારી સાથે,
Jan 2, 2021
નક્કી તડકા વિશે કંઇક બોલાઈ જવાયું હશે.
સુખ-દુઃખ પૈડા છે સમજતાં માથે ટાલ આવી ગઈ.
Dec 30, 2020
સાઇકલ તો ઠીક ન થઈ, આંગળી ઉલટાની આવી ગઈ.
વિખૂટા ને આંખો ખૂલી ઘોડિયામાં,
Nov 14, 2020
ખોળું ન જાણે કેટલાય ખોળિયામાં,
મિલન ફરીથી ઘોડિયામાં.
આ બધું પળવારમાં વહી જશે,
Jun 2, 2020
જીવન બસ છે એક પાંદડું સમય ના સાગરમાં,
કોઈ ભાગ કદાચ જાળીદાર રહી જશે.
વર્ષોથી સંગ્રહેલી અપેક્ષાઓની મૂડી લઈ ના નીકળતા,
Mar 8, 2020
આજ કાલ તેના બદલે ફક્ત શબ્દોનો સહારો મળે છે.
વાતોના વાદળ તો વિખરાઈ જાશે,
Sep 21, 2019
માટીની મહેક પણ ગૂંગળાઈ જાશે,
ખર્ચાશે લાગણીઓના કોઠાર પણ,
રહેશે તો ચુપકીદીઓનું ભેંકાર રણ.
એ દિવસે બે નદીઓ વહી હતી, વાદળ ગરજ્યા’તા અને તમે પણ.
Feb 23, 2019
વિશ્વ_માતૃભાષા_દિન
આપવાની ઓકાત નથી, ફરી વાર લઈને જઈશ.
Feb 22, 2019
હું last breath નહીં લઉં, છેલ્લો શ્વાસ લઈશ.
કોણ કહે છે તકલીફ પડવામાં છે હું કહું છું કે તકલીફ રહેવામાં છે,
Jan 22, 2019
કે બીમાર પડવું એ તકલીફ નથી બીમાર રહેવું એ મોટી તકલીફ છે.
લૂંટાઈ જવાની જાણ, છતાં હૂં દઈ ગયો.
Jan 19, 2019
પાણી તો રહ્યું નહીં પણ કૂવો રહી ગયો.
ગુરુ એટલે…
જે વારમાં બુધની પાછળ રહે,
Jul 3, 2018
ગ્રહોમાં મંગળની પાછળ રહે,
પણ જીવનમાં શિષ્યની પાછળ રહી
વારંવાર ગ્રહોથી બચતા શીખવાડતો રહે.
જીંદગીના જવાબો માટેની આંધળી દોટ પછી,
Jul 2, 2018
જાણ્યું કે મૃગજળ જેવી કોઈક ચીજ હોય છે.
