સમજાવી નહિ શકું

સમજાવી નહિ શકું, કહી દો સમયની માંગ છે
ખાડો છે, એની ના નથી, આ મોટી છલાંગ છે

અંજામ બધાંય નરસા, નથી એ થોભવાનું કારણ
જિંદગીના પથમાં રસ્તા ઓછા, ઝાઝાં વળાંક છે

વાયરાની વાતોમાં વાદળી ધોળી ભોળવાઈ ગઈ
સ્વર્ગમાં પણ વરસતા વાદળ કાળાડિબાંગ છે

જીવનની ઘડિયાળ ઝડપથી ચાલી કંઇક એવી
માનવું જ પડે, સુખ બહુ અસરકારક ભાંગ છે

જિંદગીભર પોતાને અનોખો ગણતો રહ્યો હસિત
તસવીરકારની નજરમાં બધા આકાર સમાંગ છે